Нохчийн Республикин Куьйгалхочун, Россин Турпалхочун Р.А.Кадыровн Нохчийн меттан денца доьзна декъалдар

PDFПечатьE-mail

Обновлено 08.05.2013 09:36 Автор: Administrator 08.05.2013 09:19

 

                       Хьомсара махкахой! 

 

Тахана вай билгалдоккху Нохчийн меттан де. Иза республикерчу нахана чIогIа дукхадезаш дезде ду, хIунда аьлча нохчийн мотт вайн къоман са ду.

Вайн хьалхарчу Президента, Россин Турпалхочо Кадыров Ахьмад-Хьаьжас боккхачу тидамехь латтадора нохчийн мотт Iалашбар а, кхиор а. Цо олура: «Бер жимчохь дуьйна Iамо деза нохчийн мотт беза, нанас олучу аганан иллица, баккхийчара дуьйцучу туьйранашца, денна а цунна хезачу эшаршца».

 

ШАХГИРЕЕВА Асет

PDFПечатьE-mail

Обновлено 19.04.2013 09:42 Автор: Administrator 19.04.2013 09:36

       Ас даима хьуна сагатдо...

 

                   ***

Уьрсан чов хира юй те дешнийн чов санна?

И дагах чекхдолуш, иштта лозий те дог?

ХIун дийр ду, гуш ца хилча суна хьо бен,

Хьо гича, етташ хилча сан даго вота?

Муьлха зурма ю те, хьан дош санна хаза,

Муьлха нур ду те хьан бIаьргел къегина?

ДIалокхур яр-кха ас и хаза зурма

Хьан хазачу бIаьргашна лерина!

 

Бетмурзаева Човка

PDFПечатьE-mail

Обновлено 19.04.2013 09:36 Автор: Administrator 19.04.2013 09:27

     Йоькхана

 

Тов суна Iаламехь хийцам –

Ма догIа деара хIинцца! –

ТIаьххье тIе малх хьожуш лаьтта

Цуьнга сатесначу лаьтте!

 

Самукъадели гIа-бецан –

Малхана шовкъе и деца!

Хьаьстина жима бер санна,

Хи дегош, лести-кха гаьннаш!

 

 

И догIа ма ловзадаьлла,

Малхаца къовсаме даьлла,

Iомачу тIадамаш эгош,

Цу чуьра маьлхан сурт дегош!

 
 

АРСАЛИЕВА Люба

PDFПечатьE-mail

Обновлено 19.04.2013 09:27 Автор: Administrator 19.04.2013 09:09

 

Цу хьан деган эвлайисттехь…

 

Цу хьан деган эвлайисттехь

Доьтти ас бух боцу цIа.

Цхьана соннехь, тийна-тебна,

Хьоьга хьежа диси са.

Беа пена юккъехь – куьзга,

Цу чохь беса гIаларт ду,

Бехк а боцчохь бехказйохуш,

Иза син тIе хIуьттуш ду.

 

АБУБАКАРОВА ПетIамат

PDFПечатьE-mail

Обновлено 19.04.2013 09:46 Автор: Administrator 19.04.2013 08:59

                       Орга  

 

Iа ду арахь, амма  стигал  екхна,

Дуьне  ма-дду  даржош цинцаш  маьлхан,

Девли   техьа дорцан  мехаш  хьекхна?

Дитташ  а  ду  лаьтташ   хIинцаъ    цхьалха...

 
 

Страница 111 из 127

Яндекс.Метрика