ЯХЪЯЕВ Салавди

PDFПечатьE-mail

 

Дог а селла карзахдаьлла


Дитташ юккъера                                                           
ГIуьттуш хьала,                                                                                                      
Еъна шийла                                                                        
Iуьйре ю.
Генна хьежна,                                                                   
Малх а къиэгаш,                                                                           
Аре лийчош                                                                    
Дохк а ю.
Цец а ваьлла,                                                                
ДIасахьаьжча,                                                                   
Гуола тухуш                                                                      
Некъ а го.
Дог а селла                                                              
Карзахдаьлла,                                                            
Некхан кедахь                                                                
Деттало.   
Дала гIоза                                                                    
Ихна дахар,                                                                           
ХIу дIатесна                                                                  
Айъаме.
ТIаккха Iалам,                                                                      
Асар хилла,                                                                     
Чуьрадаьлла                                                                   
Хастаме! 
Бошмаш техка,                                                                
Бецаш шерша,                                                                 
Йирзина шаьш                                                                        
Соьналле.
Цхьогал теба,                                                                  
Пхьагал едда,                                                                                             
Арахь лаьтта                                                                   
Къуркъмане. 
Гилгаш дуьйлу                                                                  
Когаш кIелахь:                                                                 
Цхьа мор текхош                                                                     
Зингат ду.  
Самадаьлла,                                                                       
Арадаьлла,                                                                              
Дуьне, кхане                                                                 
Йохьуш ду.
           2015 шо.




         Хьайбаха...

Хьайбаха, лам буьххьехь карийра,                                                      
Деган аре къагийна Мохк.                                                           
Маржа-яI: човхийра, лазийра,                                        
Ягийна хIоттийра дохк.                                                             
Узарийн къурд бара - беккъа...                                                
Къематан Де дара - деккъа.

Наной а, баккхий нах гулбира,                                                
ЮьстагIа ца дуьтуш бер.                                                             
Эпсарша, салташа хьовзийра                                                              
Човхабеш ка-йоьхнарш, дера.                                                 
БIешерийн хьагI яра баьрчехь,                                            
Къизалла кхайкхаеш даррехь..                                                                                                           

Кеглора стигланаш чIагI а луш, -                                                      
Ца елха дара и дов.                                                          
«Берзалой» тебара къар ца луш,                                                                                                
«Хьешашна» къевлина ков.                                                        
Маьхьарца дарц дара цIийзаш,                                                         
Орцана и дара хьийзаш!                                                   

Инарлийн мохь-цIогIа декара,
Кхерамах буьззина шаьш.                                                                   
ТIаьххьара кечамаш уьш бара:                                                
Адамаш догура леш.                                                                       
Дегнийн бIов йисира цIергахь!                                                           
ЖоьжагIати хIоьттира гергахь!

ХIорана Нохчийчохь карийца,                                                         
Тоьпанан лаг озош бIо.                                                 
Моссаза, моссалгIа хьан цIийца,                                                
ДегIаста лийчаеш го?!                                                             
Хийла чIор хьоьвзи-кха тIаме,                                                          
Дерзийна, чов даръеш, гатте.       

Хийлаза елхийна хьан нана,                                                             
Махкаха къастийна мохк!                                                      
Тарделча хьо къинтIера бала?...                                                                             
Хьан кхерчахь бIарзъелла дохк.                                                                         
Кадам беш баттаца кхетта,                                                                                      
Тезетахь IиндагIаш лаьтта!                 

Дайний шуна хIоттийна чурт,                                                        Чим хилла баьгначийн юьрта...

  Шера некъ ца боьгIна

Шерийн гуо хьийза, 
                          ма йоьдду йогIуьйтуш,                                                                                                                    
Хенаца йоьттина заманан ворда.                                                                                                                           
Лахвала дийзи ца лиънарш 
                                           могуьйтуш,                                                                                                     
Ойланийн дорцаха бестийна корта...

Сатедеш, айхьа-хьайга, 
                                 кхуьур ву бохуш:                                                                                                                
Кхаъ иэца, вордара Iенначу хенийн;                                                                                                             
СадаIа сецначохь синош а дохуш,                                                                                                                   
Болар а тергалдеш уьдучу берийн.

Мукъамаш, - кхолламаш язбечу 
                                            шекъийн,-                                                                                                                  
Таьптаран майданахь машоша лецна.                                                                                                                         
Марзделла оханаш совцийна некъийн,                                                                                                                   Iожаллин цу керта гуота шайн хецна.

Мукъамийн ас бечу, 
                               (сайн вордан барам),                                                                                                               
Шера некъ ца боьгIна, 
                                      пиллигаш лелха.                                                                                                                   
Хьанала леринарш ца дерзо хьарам -                                                                                                           
Ворданан назма го узам беш - цхьалха.   

 2016 шо.
 
 ***

 

Генна вуьгу со дIа, ойла а йужий,                                                                                                                          

Озадой дегIера са лоцу гIад.

Пондаран мукъамаш карзаха довлий,                                             Воссаво локхалле, гулделчу Iад.

 

Хаало, хир дац а моьттинарг, баьрчехь, -

Кховдийча куьг кхочуш, - пондаран са.                                                               

ДоIана лору ас, гечдар а - хьалхехь,                                                  

Мукъамаш сайн лезнарш,

                                   кхоьллинарш ган.

 

2016 шо

 

 

Корах хьоьжуш ара...

 

Генна йоьгIна ойла,

Йозан хIуьттуш суьрташ,

 

МогIарш луьттуш церан,

Корах хьоьжуш ара, - 

Хенах воьхна Iара.

 

Йоьду иэцна болар

Собар доцу аьхке...

Са-м цуо само ехьна:

БIаьстенах а ваьккхи,

Iойла кхехко яьккхи.

 

ХIуьттуш хаттарш сайна,

Жоп  а  дезаш  царна  -

Кхийда ойла  ана:

Карий малх а кхачош,

Ирсах йохуш агIош.

 

Хаьий, хIинца-м, хьуна -

Дешан доций меха -

Хьаьрфаш - говза дацахь.

Дезаш хуьлу ала:

«Аьрга делахь - кхада». 

 

Июль,  2016 шо.

 

МостагIчун хIилла...

 

Маьхьарийн гIовгIанаш ека,

Маршонан цIараха йогIурш.                                         

«Баьччанийн» буьйранаш дека,                                                          

Тешначийн маттара дохурш.

 

Ерзина яьккхина Iойла,

Вохийна шен дашах къонах.                                                         

Хенашлахь хир дац кхин гойла,                                                

Вежарий маркъуьйлуш гонах.            

 

Беларийн дIаяйна яьххьаш,                                             

МостагIчуьн хIилла ду тоьлларг.                                           

Бакъ-харц - къагийча аьшнаш? -                                           

Марз а лой тIехь дуьсу - воьлларг.

 

Iадийна гIар-тата тийжа…                                            

ДегIаста буса-гIенах Iийжа.

 

1998 шо.

Добавить комментарий


Защитный код
Обновить

Яндекс.Метрика