КАВРАЕВ ШапаӀ

PDFПечатьE-mail

Абкаров

 

Даймохк

 

Мел генахь со хьуна хилча,

Хьо бицбар лайна дац ас.

Даима сан даг чохь дека

Хьан зевне хазаллин аз.

 

 

Со жима бер долуш дуьйна

Даймехкан сий лардан гӀерташ,

Иштта сайн доттагӀий зийна,

Кханенга ойла а керчаш.

 

Хазъелла йогӀу вайн зама,

Дахар а хийцалуш лаьтта.

Даймахке сайн безам чӀагӀбеш,

ВогӀу со цуьнца гӀулчаш йохуш.

 

Лууш вац гӀелвелла хьежа

 

Кхолламо бӀаьргийн нур

Дайинчу хенахь,

Дахарехь самукъа

Дала йиш йоцуш.

Моьттура висна со

Нийсаршна генахь,

Хиллачу бохамна

ГӀо дан стаг воцуш.

 

Маржа-яӀ, сан кхоллам,

Соьца хьо тахна

Мел къиза хилла-кха

БӀаьргийн нур эшош,

Амма со декъазчу

Хьан кара вахна,

Лууш вац дахаре

ГӀелвелла хьежа.

 

Аьрхачу кхолламца

КӀад ца луш, къуьйсуш,

Ас иллеш дохур ду

Халкъана воцуш…

ДӀадечу гӀуллакхехь

ГӀо лаца кийча,

Накъостий хилла сан

Дагара дийца.

 

ДоттагӀчуьнга

 

Хьал-де эшначохь хьоьца вацахь,

Оьшуш вац и доттагӀ лара.

Нагахь вацахь даима дагца,

Халкъашлахь а ву и хийра.

 

Йижаршка

 

Дала тоьхна хан а хьегна,

Вовшех довла дезахь вайн,

Дехар ду сан, бала кхаьчна,

Аш виц ца вар ваша шайн.

 

 

АллахӀ Деле кхойкхуш

 

Суо велча сайн эхарт цахиларна

                                             кхоьруш,

Лела со синтем боцуш, АллахӀ Деле

                                                 кхойкхуш,

Цуьнга сайн гӀалаташна гечдар

                                                     доьхуш,

Сайн Ӏамалаш къобал хилийта

                                                       бохуш.

Дуьненан а, Эхартан а Эла волу

                                                          Дела,

Хьайна со дуьхьал веанчу доккхачу

                                                       дийнахь,

Сох бераллехь дас-нанас бина

                                             къинхетам бай,

Со тӀеэцалахь Хьайн Ялсаманин

                                                    хьаша вай.

 

Валарх ойла

 

Йиснарг дукха хан яц

Дуьненчохь яккха.

Ас Далла йина Ӏамалш,

Сан кхочушхиллий-те ерриш?

Хье огу хаттарша сан.

Дог дӀатуьйш дац-кха.

Уьш кхочуш ца хиллехь сан,

Вижа каш хир дац-кха.

Я АллахӀ, со Хьоьга кхойкху,

Доьху Хьоь,

Къинхетам бехьа!

 

Шуьйра гӀулч йоккхуш

   Нохчийн халкъан яздархочун

       Ахмадов Мусана лерина

 

Хьо вогӀу шуьйра гӀулч дуьненчохь

                                                   йоккхуш,

ХьагӀ-гамо хьайн дешнашца генна

                                           дӀайоккхуш,

Деза дош яздаза дисарна кхоьруш,

Адамашка нийсоне, машаре

                                               кхойкхуш.

Добавить комментарий


Защитный код
Обновить

Яндекс.Метрика