Проза

«ЦIазамех а догIу цIий, лазийча…»

PDFПечатьE-mail

Обновлено 03.10.2018 05:27 Автор: Administrator 03.10.2018 05:26

3999866

Магомаева Марем

 

 

«ЦIазамех а догIу цIий, лазийча…»

 

– Баба! Ахь, цхьамма олу-кх сох ПетIамат, – елакъежа, йоккхачу стагана уллехь, лохачу гIантахь хиъна Iа жима йоI. – Кхечара – Фатима, Фатима, Фатима…

         Цхьа хаза догIучу, жимачу, дагна хьаам беш, ловзуш Iеначу шовданах тарло цунна Бабас и цIе йоккхуш.

– ПетIамат... Мел хаза ю-кх хьан цIе! Бабига кхечу кепара ца алало. Къан ма елла со хIинца. Далла дуьхьалйоьду хан ю сан.

Фатимина хаьа, Веза-Воккхачу Дaлa, цкъацкъа, адамаш Ша волчу дIадуьгий. Делахь а Баба дIаяхийта-м ца лаьа цунна.

– Со а яийтахьа хьайца! – боху цо, – суна а лаьа хьоьца хила.

 

 

Ден доттагI

PDFПечатьE-mail

Обновлено 03.10.2018 05:26 Автор: Administrator 03.10.2018 05:23

304025a9436286c1cd61fb75ee4771ed

БЕКСУЛТАНОВ Муса

 

Дикка хан ю со гIалахь Iашволу, ткъа-ткъе итт шо-м хIетте а ду, институт чекхъяьккхинчул тIаьхьа, болх нисбаларх, кхузахь иштта дIависина. Сих-сиха юрта вахар а ца нисло, цхьана воне-дикане бен, дукха хьолахь – вонехь а хуьлуш.

Нана реза ца хуьлу.

Нана юьртахь Iаш ю, жимахволчу вешица.

Да тхан хьалххехь кхелхинера, нах Казахстанера цIа а бахкале, долу лазар а кхетта.

ЦIадахкар-м дагадогIу суна шера – со ялх шо кхочуш вара.

ВорхI шо кхаьчча ишколе а вахара цIахь – Нохчийчохь, – хьалхарчу классе.

 
 

Ромеой, «Джульеттий»

PDFПечатьE-mail

Обновлено 03.10.2018 05:23 Автор: Administrator 03.10.2018 05:14

1-45-474x300

АХМАТУКАЕВ Адам

 

 

Чоьхьаваьлча, шина даггахь неӀарехь сецира хӀара: шен хенара я шел воккхох хеталун цхьаъ мукъне а цу чохь хилахь, соцур ша, ца хилахь – юхаваьр, аьлла.

Шейк бохучу хелхаран чарп яра, «Бони-М» тобанан эшаран мукъамехь, чоь яьккхина, ийалуш. Ӏаьржачу буьйсано седарчех дуьззина бога хӀокху чу Ӏанийна хоьтуьйтуш, бӀагорехь санна, сирла ӀиндагӀаш дӀасауьдура чухула: пенийн бохалла а, тхов тӀехь шершаш а, хелхарехь болчеран догӀмашна тӀехула а.

Хелхаро шовкъ яийтинарг гонна юккъе волура, шена дуьхьала болчарна – лата санна – чухьодуш; тӀаккха, цигахь жимма чинк йоккхуш я ца йоккхуш, цӀеххьана юхавоьрзура, гонна юкъахь гуо хьовзош, я ша хиллачу метте юхавогӀуш.

 
 

Шираллера йогIу зIенаш

PDFПечатьE-mail

Обновлено 24.09.2018 13:07 Автор: Administrator 24.09.2018 13:05

093d386155a0daed7b046c8b7c5d9547b906a5307592733

АХМАДОВ Шарпудди

 

/ «Игоран полкан хьокъехьчу дешан» 800 шо кхачарна /

 

Хууш ма-хиллара, кху шарахь 800 шо кхочу «Игоран полкан хьокъехь дош» аьлла долчу оьрсийн ширачу литературни жовхIаран. Дуьненаюкъарчу ЮНЕСКО организацин сацамца и терахь дерриг а дуьненахь билгалдоккхуш ду.

 

 
 

Ешапан пенси дахар

PDFПечатьE-mail

Обновлено 12.09.2018 04:36 Автор: Administrator 12.09.2018 04:32

Закриев

Закриев Iиса

 

ТIаьххьара дарс чекхдаьлча, хьехархочо, у цIандеш, класс чохь гIуллакх де аьлла, сацийра Хьовраъ. 4-чу классан староста хаьржинера йоI, дешарехь кхуьуш хиларна. «Дика ду», – аьлла, хьехархо паргIат а йитина, гIуллакх дан хIоьттира Хьовраъ. Сихха, уьн тIе тIуьна горгам а хьаькхна, кехат-хIума схьагулйина, гIанташ нисдина, лаьтта горгам а хьаькхна, малх санна класс серла а яьккхина, цIа яха кечъелира хIара. ЦIеххьана, корах цхьаъ кхеташ санна, тата делира. ДIахьаьжча, кхин хIумма а ца гира. Корах арахьаьжча, хаалуш хIумма а яцара. ТIаккха, дехьа корах кхийтира цхьаъ. Хьоза детталуш санна, тата дара иза. Дехьаяьлла, бIаьрг тоьхча, тамашийна кхокха гира корехь, цхьаннах кхерабелча санна, Iаш, алла бос а болуш, ишколан тхов тIехь дехачарех тера а боцуш. Хьовраана бевзира иза – хьуьнхара къоракхокха – киншки тIехь биллина гинера цунна хIара. Кхокхина дехьа, кора кIелхула, букар а таьIна, гихь боккха ши тIоьрмиг болуш, дIайоьдуш йоккха стага яра. Сихха класс дIа а къевлина, догIанаш техничке дIа а делла, араелира Хьовраъ. ХIара яха езачу новкъа йоьдуш яра йоккха стаг.

 
 

Страница 1 из 43

Яндекс.Метрика