Проза

ЦУРУЕВ Шарип

PDFПечатьE-mail

Обновлено 22.02.2013 10:37 Автор: Administrator 22.02.2013 10:27

 

ПАВЛЕНКО Петр. 8-гIа корта

PDFПечатьE-mail

Обновлено 21.02.2013 11:59 Автор: Administrator 21.02.2013 11:55

                                            Кавказан повесть

                          (ТIаьхье. Юьхь еша 2012-чу шеран № 6-12 журналашкахь)


                                                    8-гIа корта

 

Гуьржийн эластунех кIант Джамалдин хийца а, цхьа миллион дети ахча даккха а Шемала дагалаьцнарг кхочушхилладаьлла ала мегар дара. КIант оьрсаша схьалора, миллионан меттана ткъе итт эзарна резахила дийзира.

Дийцаршдар чекхдовларе хьоьжуш, дуьххьара Соьлжа-ГIалахь Iийра Джамалдин, цул тIаьхьа Темир-Хан Шурехь а. Оьрсаша схьавалийнарг билггал шен кIант хилар талла баккхий нах бахийтира цо масийттазза, Ахульго йохийначул тIаьхьа дукха хан дIаяхнехь а, къона, товш эпсар ма-гиннехь, царна атта вевзира инарла Граббега дIавелла кIант.

И даздаран хьолехь хийцаран гIуллакх кхочушхила дезара Нохчийчуьра Мичик-хи тIехь. Воккха стаг Сурхай а, Ахульгохь хиллачу тIеман дакъалацархо, вахара имама даздаран маьIнехь лоручу оцу хиламе бIаьргтоха.

Хьаьжа-Мурда тешнабехкбинчул тIаьхьа дошлойн лакхара куьйгалхо хIоттийначу балаханойн Мусан эзарнаш береш, берриге наибаш, орденаш яьхна бIаьхой а бара Джамалдин лаьмнашка юхаверзаран даздарехь хила безаш.

 
 

ПАВЛЕНКО Петр. 6,7-гIа кортош

PDFПечатьE-mail

Обновлено 21.02.2013 11:55 Автор: Administrator 21.02.2013 11:45

Кавказан повесть

(ТIаьхье. Юьхь еша 2012-чу шеран № 6-12 журналашкахь)

 

                                                                    6-гIа корта

 

Афилон ГIеза-Махьмица вара. Цинандали дIалацаре хьоьжура уьш, тIаккха берриге дошлошца Телавина тохардан а, Тифлисна тIебаха а.

ГIеза-Махьмин штабехь болх тIетаьIIина дIабоьдуш бара: имама ТIехьа Кавказера бусалбанашка яздина кехат дара бIеннашкахь схьаяздеш, ГIеза-Махьмас дандеза къамелаш дара кечдеш, адамашна а, говрашна а оьшуш мел долчун хаттарш дара дийцаре деш, Кахетера элийн ков-керташкара хинболчу пайдан хьесапаш а дора.

Синтем боьхна, шеконца хьоьжура Афилон кхин ойла а ца еш вовшахтоьхначу оцу IалагIожане. Иза резавацара дIахьочу кху экспедицина, амма, имам шех кхето ницкъ а ца кхаьчна, хIинца цо шен ницкъ мел кхочург дора, шайн тобанаш мелла а кIезиг дараш долуш, мелла а кIезиг иэхь тIе а лоцуш, юханехьа дIадигарна тIехь.

 
 

АХМАДОВ Муса

PDFПечатьE-mail

Обновлено 21.02.2013 10:48 Автор: Administrator 21.02.2013 10:44


Со сайн даьхнин лай ву…

 

Дакъалоцурш:

 

Маьхьтин Идарз

I эла

II эла

III эла

 
 

САРАЛИЕВА Табарак

PDFПечатьE-mail

Обновлено 21.02.2013 09:36 Автор: Administrator 21.02.2013 09:34

 


Вайл тIаьхьа хIун дуьсу даха…  

 

 – Йогуш яра Соьлжа-ГIала, йоьлхуш яра. Мохь-цIогIанца угIура хIаваэхь яккхийчу тоьпийн дIаьндаргаш. ГIалех арадовла ши сахьт хан елла, аьлла, хабар даьржина, тхо, ма-хуьллу сихонца тхешан тIелхигаш тIеийзийна, ураме девлира. Масех «Урал» машен яра адамех юттуш. Тхан цIенна хьалха лаьтта «Орга» кафе кхоьлина, буоберах таръелла, тишъелла, лахъелла, эзар-эзар дIаьндарг чекхъяьлла, махо лоькхуш, гIийла тIаьхьахьоьжуш, гIар йоцчу елхарца, мохь боцчу орцанца юьсуш хеталора. Иттех де хьалха дийна, сакъералуш, эшарех пенаш лекхалуш хилларг и ю аьлча, теша хала дара, –Соьлжа-ГIалин Маяковскийн урамерчу I32-чу цIа чохь ехачу сан бераллин доттагIчун къамеле, шина а куьйга корта а  лаьцна, ладугIуш Iа со. Аьхкенан довхачу дийнахь а шеллуш, тIергIан жигеткех хьаьрчина, наггахь кийран кIоргера цхьа къора йовхар а тухуш Iачу цуьнан къамел цкъа соцуш, тIаккха дIадолалуш, цхьа-ши сахьт а делира. ЦIийнан уьйтIахь кхиъна дуькъачу зезагийн IиндагIна бухахь лаьттачу гIантахь Iачу тхойшинна цхьана а тайпана зезагийн хьожа ца йогIура. Амма  цхьанхьа биргIанах дIаьндарг кхеттачухула, дIаоьхучу газан хьожа а, цуьнан ца хеддаш «ш-ш-ш» лаьттара лерехь. ХIинццалц, тхо цхьаьнакхетча, дерриг къамел а аьрхачу бераллин хан а, къоналлин цхьакIеззиг мерза мур а хьахош хуьлура. Ткъа хIинца,  хIинца дерриг дуьне а баланах дуьзна. И бахьа а, билла а меттиг бац, цунах дакъа ца кхочуш висина стаг а вац. Зайнапан, хIинцачул цхьа кIеззиг зама хьалха, къегинчу зIаьнаршца лепаш хиллачу Iаьржачу бIаьргашчухула баьржа иза саьлнаш лаьттачу кху уьйтIахула.

Доккха садоккхий, йовхар тухий, юха а дуьйцу цо… .

 
 

Страница 39 из 43

Яндекс.Метрика