Проза

ПАВЛЕНКО Петр

PDFПечатьE-mail

Обновлено 06.03.2013 10:23 Автор: Administrator 06.03.2013 10:07

                                                                               

                                                                    Кавказан повесть

 

                     (ТIахье. Юьхь еша 2012-чу шеран № 6-12, 2013-чу шеран №1 журналашкахь)

9-гIа корта

 

Шен гIаролхой кхин схьакхача а ца кхаьчна, Гунибе дIавахара Афилон. Юьртдена хьалххе дуьйна хууш дара молхадаккхархочунна хIун кхиэл йина. Зудчуьнца цхьа сахьт хан яккха иза паргIат а витина, шен сацам дIахаийта веара иза. Дийнахь шен цIахь хила бакъо яра Афилонан, буьйсанаш ор чохь дIаяхьа езара, юьртден саьккална юххехь.

– Дика ду. ДIавогIур ву, – жоп делира Шуаната.

Афилон бертал Iуьллура саьккалан поппар хьаьхначу цIеначу цIенкъахь. Iуьллура, шен хьомечу хIусаман хьожа чууьйзуш, шен бераш динчу бенахь.

 

АБДУЛАЕВ Мухьаммад

PDFПечатьE-mail

Обновлено 06.03.2013 10:07 Автор: Administrator 06.03.2013 10:04

 

 

ГIургIезийн тамашийна хелхарш

               

 

…Цхьа гIийла-миска хьийза-кх и цхьалха  синош тасадала, хьарча меттиг боцуш…

 

КIайчу гIаргIулийн вастехь йогIура аьлча а, цхьа хьаьдда дIатилира-кх и хIинцачул пхи шо хьалха тIехIоьттина Iаьржа де тIекхаччалц ихна йолу зама. Пхи шо хьалха… Цу хенахь кхуьнан ткъе шиъ шо хан яра. Цу хенахь сахьтан цхьамза хIинцачулла а дуккха а сиха хьийзара.

Сахьтан цхьамза - заманан верас!  Мел каде хьаьвза-кх хьо цхьайолчу хенахь, цкъа цхьа мела, кура, ког таIIош дечу «боларца» хьайн моттаргIа-паргIатонца ирсо хьаьстинчуьн семахилар артдеш. БIаьрг тIера туьлушшехь, цхьа хецало-кх и хьан «болар», чаболаре долуш. Классикна а дайна «ирсечо сахьт тергалдац»… Хьо ирсо ма тхьовсиннехь ма болу и бIаьрг тIера а, эццехь ма долу и заманан «болар» а чаболаре, хьайн ирсан чам-марзо эца хьо лара ца войтуш. ТIаккха олу «ма сиха яхара-кх и хан, ма хаза хан а яра-кх иза!...» Ирс, синтем, синпаргIато а дайча ма волало и цхьамза ларба. ХIокху тIаьххьарчу пхеа шерал хьалха яхана зама – 22 шо – гIаргIулийн асанах тера хетара, и 22 боху терахь билгалде хьаьркаш а ма ю цу деха лагдолчу кIайн, исбаьхьчу олхазарех тера...

 
 

ШАЙХИЕВ Iалвади

PDFПечатьE-mail

Обновлено 06.03.2013 10:04 Автор: Administrator 06.03.2013 10:02


Хьалха бара беха некъ

 

 

Меллаша иэсе йогIура аркъал Iуьллу Баяну. Цкъа хьалха дIаделладелира, герканаш оьхкича санна, дазделла цуьнан бIаьргаш. Уьш къаьрззина, амма десачу хьажарца, тховх а догIаделла, цхьана меттехь севцира. Хетарехь, кхоччуш бIаьрса ца деанера царна чу хIинца а.

Масех де хьалха Iаржъелла хилла бIаьргийн гонаш, таьIна-можо гуш яра, ткъа юьхь – овкъаран баса яханера, ур-аттала, вагонан корах чу лалаеллачу маьлхан зIаьнарша а, хьалха санна, шурин Iожах ца лепайора хIинца беснеш.

Баянуна ца хаьара ша дуьнен тIехь ю а, я эхартахь ю а. Шена хилларг хIун ду а ца хаара. Я хаа а ца гIертара. Ойла ян кхетам а, дегIехь гIора а дацара.

 
 

АЛИЕВА Зарина

PDFПечатьE-mail

Обновлено 06.03.2013 10:01 Автор: Administrator 06.03.2013 09:57

 

                                                                         Абдулаев Лечин – 60 шо  

 

«Со ву хьан тIаьххьара хьаша – ширачу бIешерех ваьлла»

 

Даздарш, юбилейш, декъалдарш, цаьрца доьзна  хастамаш, деза-даккхий дешнаш, охьаягаръеш мел йолу сийлаллин цIерш, совгIаташ, и дерриг дуьненан ловзарш Лечин амална хийра хIумнаш дуй хаьа тхуна. Лечин киншкин гуларш ягаръян а ца лаьа, цуьнан цхьа стих а ю дийнна дахаран киншка. Делахь а, тхайн журналан «Юбилей» рубрикин ламаст лардеш, бахьана даьллачуьра аьлла, Абдулаев Лечин стихаш йоьшуш, гуттар сайн кхоллалушйолу ойланаш  йовзийта лаьара.

 
 

ЦУРУЕВ Шарип

PDFПечатьE-mail

Обновлено 22.02.2013 10:37 Автор: Administrator 22.02.2013 10:27

 
 

Страница 45 из 50

Яндекс.Метрика