Проза

АХМАТУКАЕВ Адам

PDFПечатьE-mail

Автор: Administrator 10.03.2016 10:59

 

 

Iаьржа туьте

 

Иза хьенан-мила ю хууш юьртахь цхьа а вацара. Тилвизар чохь кхайкхош, цунах а, цо ша-шех а дийцина бохучунна тIаьхьакхиа со а ца гIоьртира…

Инарла Пуликовскийс гIали чуьра арадовла шовзткъе бархI сахьт деллачу аьхка тIамах девдда даххарх, кхоч-кхочуш Россин цхьана къукъарешка а кхаьчна, цигахь, да-нана мацаллий, къеллий дала а делла, хIара ша цхьаъ йисина сурт хиллера хIоьттинарг. «Лахь а, йисахь а, шуна гергахь хилар гIолехь хеташ, юхаеана ша… – аьлла хиллера йоIа, – шух бIобулуш, шуьгарчу орцане сатесна…»

И хабар пхьоьхане ма-делли, гIала охьахаьхкина вахара дагана кIеда волу дада. МаьркIажан бода къовлабалале, юха а веара, йоI дIатарйинчу хIусаме а кхаьчна, иза тхоьга схьаялош…

 

ЯНДАРБИЕВ Хьамзат

PDFПечатьE-mail

Автор: Administrator 10.03.2016 10:57

 

Йистйоцу дахар 

(X-XIII) 

X

 

Санет дIаяхча, шаьшшиннан хиллачу къамелан ойлаеш Iийна-а, гIаьттина яхана стоьл тIе керла шаршу тесира Хазус, тIехIоттийра куьпчийн пхьераша говза йина, детин кIур биллина сурила. ТIуьна гата хьаькхна, тIера чан дIаяьккхина, ела а къежна, цу тIера йоза дийшира: «Хазуна цуьнан берхIитта шо кхачарца доьзна». Бухахь язйина цхьа а цIе яцара: цу хенахь иза язъеш Iедал а дацара. Амма Хазуна цкъа а виц ца лора и сурила шена елларг. Чу хи а доьттина, цIен хорханаш тIехь кхозу муьргийн генаш хIиттийра цо йоьIан дегIах тера йолчу сурили чу. Стоьл тIе хасстоьмаш, мандаринаш, Iежаш, кхуораш, хьовлий, конфеташший чохь йолу пхьег1аш охьаехкира. Делкъал тIаьхьа чIепалгаш а, хингалш а дина, дезчу денна лерина шун хIоттор чекхдаьккхира Хазус.

 
 

ЯНДАРБИЕВ Хьамзат

PDFПечатьE-mail

Автор: Administrator 10.03.2016 10:57

 

Йистйоцу дахар 

(X-XIII) 

X

 

Санет дIаяхча, шаьшшиннан хиллачу къамелан ойлаеш Iийна-а, гIаьттина яхана стоьл тIе керла шаршу тесира Хазус, тIехIоттийра куьпчийн пхьераша говза йина, детин кIур биллина сурила. ТIуьна гата хьаькхна, тIера чан дIаяьккхина, ела а къежна, цу тIера йоза дийшира: «Хазуна цуьнан берхIитта шо кхачарца доьзна». Бухахь язйина цхьа а цIе яцара: цу хенахь иза язъеш Iедал а дацара. Амма Хазуна цкъа а виц ца лора и сурила шена елларг. Чу хи а доьттина, цIен хорханаш тIехь кхозу муьргийн генаш хIиттийра цо йоьIан дегIах тера йолчу сурили чу. Стоьл тIе хасстоьмаш, мандаринаш, Iежаш, кхуораш, хьовлий, конфеташший чохь йолу пхьег1аш охьаехкира. Делкъал тIаьхьа чIепалгаш а, хингалш а дина, дезчу денна лерина шун хIоттор чекхдаьккхира Хазус.

 
 

ЯНДАРБИЕВ Хьамзат

PDFПечатьE-mail

Обновлено 10.03.2016 10:51 Автор: Administrator 10.03.2016 10:46

 

Йистйоцу дахар 

(VI-IX) 

VI

 

Хазун кIант Леча Москвахь доьшуш вара. Шарахь шозза цIа вогIура иза, масех де даккха, февралехь а, цхьа ши бутт баккха, аьхка а. Хазус лелочу аттанна докъар дала бахьана хилийта, луларчу мангалхоша шайца регIа басе вуьгура я дитт доккхуш мангал туса а, я нийса кес даккха хууш воцу Леча. Шен накъостийн санна, оцу балхе шовкъ яцара цуьнан. Делахь а, самукъане хетара цунна кхузахь йоккху хан. Болх бина девлча, генайоцчу чухчари кIелахь луьйчура. Цул тIаьхьа йогIучу самукъанечу суьйрана хаза хьожа йогIу дарбане бецаш чутесначу чайнико кIежйоху зурма йолийча, шеца я кхечу нахах Iиттаделлачех долу мангалхойн дийцаршка ладоьгIуш, цIера хьалха Iара буьйса юккъе яххалц. Нохчийн гIиллакхийн хазаллех дара йоцца хадийна маж лелочу Маьхьдин дийцарш. Мер тIехула охьаоьху куьзганаш пIелгаца хьала а туьттуш, хьехархо волчу Iийсас дуьйцура Авторхановн а, Ошаевн а, Гадаевн а, Мамакаевн а къонахаллех лаьцна.

 
 

ЯНДАРБИЕВ Хьамзат

PDFПечатьE-mail

Обновлено 10.03.2016 10:57 Автор: Administrator 10.03.2016 10:44

 

 

Йистйоцу дахар

 (I-V)

 I

ТIом бара боьдуш, коьрта мостагI мила ву ца хуу тIом. 1944-чу шарахь шайн махках баьккхинчу доьзалахь кхиъна волу Заурбек жимчохь шело а, мацалла а лайна, маршонан хама беш вара. Шен цхьайтта шо долуш, ша вехаш хиллачу жимачу юьртарчу школе деша вахара иза тIехь-когахь беркъа воллушехь. Цо дешнарг казахийн маттахь юьхьанцара школа яра. Юккъера школа луларчу юьртахь хиларна, цига дIасадаха нохчийн берашна некъ маьрша боккху кехат оьшура. Цундела комендантан бакъонца уьш ворданахь а, Iай салазахь а дIасалело сацам т1еийцира колхозан правленис. ХIора Iуьйрана нохчийн берийн спискаш тIе куьг яздора школан директоро, хIоккхулла бер схьаделла шега олий, сарахь оцу спискаца бераш схьаоьцура ворда-салаз лелош волчо, кортош дагар а деш.

Iай арахь чIогIа дарц даьлча, Iуьйрана я суьйрана салаз ца йогIура. Сарахь иза ца еъча, школехь буьйса яккха езаш хуьлура юкъара1ойлехь. Иза цхьа чоь яра, чухула мукадехкий а уьдуш. Чу ча доьллинчу муьшан галеш тIехь дIатевжина Iаш, дIайолура сингаттаме мох угIу буьйса.

 
 

Страница 9 из 39

Яндекс.Метрика