Проза

Воккха-Дада а, Iаж а (Дийцар)

PDFПечатьE-mail

Обновлено 23.04.2018 19:22 Автор: Administrator 23.04.2018 19:20

Дадаев

ДАДАЕВ С.

Воккха-Дада а, Iаж а
(Дийцар)
– Дакъаза ма бала хьо делаI, тахана, мела догIа хилла, ма чIогIа боьлхуш бу
хьо, хIун хилла-те хьуна? Юхаберзахьа... Хилларш, лелларш дийца вайшимма, дагна
синтем лохуш, – аьлла, Iожан къеначу гIодах шен хебаршка дахна, къанхьегаро
шагдина куьг хьоькхуш, къамеле велира Воккха-Дада. – Ма дукха хан ю-кх вайшиъ
хIокху кертахь деха. Ганза а, ланза а хIун ду? Хьуна дагадогIу а хир дац. Жима
синтар долуш беара ас хьо хIокху беша. «Веза Дела, беркате стом бе Ахь кхуьнах
сан доьзална а, юьртана а – массарна а! Хьан дуьхьа сагIийна дIабоь-кха ас хIара
Iаж. Хьо ву-кх массо а хIума а дендеш, кхиош верг!», – аьлла, бисмилла а даьккхина,
латта самсадаьккхина, хьандина, дIадуьйгIира ас хьан синтар. Цкъа а хьогалла ца
хааялийтира ас хьуна. Аьхкенан бурконехь хьан гIаш маргIаладола доьлча, кест-
кеста хьан экам орамаш хих Iабадора, ткъа цо-массо а га, гIа... Iаьнан муьрехь, хьо
шелонах лардеш, хьан гIодах тIаргIа хьарчабора. Шелонан а, хьогаллин а, мацаллин
а къаьхьа чам сайна бевзина хиларна, деш дара ас иза. Хьо царах лардеш. Кхелли а
цундела юьллура хьуна гонаха. Хьан орамаш хьандан...

 

Берзинчу когийн лар

PDFПечатьE-mail

Обновлено 12.04.2018 17:39 Автор: Administrator 12.04.2018 17:36

 

Бексултанов

Бексултанов Муса                                        

 

Сайн денанна Хантотин безамна

 

– Даба, во-о Даба! – кхойкху нани кху чуьрчу кӀанте, – хьада, дӀавада, дукхаваха иза, эса мичахь ду хьажий вола, – олуш.

Дуьхьал аз ца хеза.

– Ва, хӀокху сохьтта кхузахь вацара и кӀант, иза стенга ваха? – гондхьа хьоьжу нани.

Со велало, кӀентан хӀилланаш а девзаш.

– Оцу кӀантана эхь ца хета, – олу нанис тӀаккха, рагӀу кӀелахь, машенах шура чекхйоккхуш Ӏаш йолчу, – жӀаьлел тергал ца йо-кх цо со, – олий.

Суна кӀентан берзинчу когийн баххьаш го, цӀийна маьӀӀехь тебна лаьттачу.

– Во-о, Харц-Мирциг! – нани юха а кхойкху, ша оьгӀазъяхча йоккхуш йолу цӀе а йоккхуш кӀентан.

КӀант меттах а ца хьов.

– Хьуна ма яла Дала жоьжагӀати, ва харцахь ирбина хьокха! Нелан мел велларг хьакхийца воллийла сан, со кхузара цкъа хьалагӀаттахь, ас хьуна хӀара гӀаж…, – шегара Ӏаса лаьттах туху нанис.

ДӀогара кӀант, кхин гучу а ца волуш, воду.

 
 

Ненан узам (Поэма)

PDFПечатьE-mail

Обновлено 24.04.2018 21:06 Автор: Administrator 01.04.2018 16:57

Дакаев

 ДАКАЕВ Са1идбек

Ненан узам

Ненан безамна

 

(Поэма)

Генара цхьа узам,

Ойланийн тезетахь тийжаш,

Г1айг1ане лекхалуш,

Лерера ца болу сан.

Дорцан къахь г1иттаеш,

Шелоно аренаш къуьйлуш,

Цо хийла хьийзийна,

Лай вина сингаттаман.

 

 
 

Стиглара къам

PDFПечатьE-mail

Обновлено 02.04.2018 19:21 Автор: Administrator 21.03.2018 17:24

WhatsApp Image 2018-04-02 at 10.43.52

                Баталова Хеда

 Ойланаш, ойланаш… Муьлххачу а даг чу бижначу баланах ваккхало шуьга, боцу бала кхолла а ло шуьга. Дукха ханна дацахь а, тIе куьг ца Iотталахь а, ког ца баккхалахь а, пIелгашна юккъехула мох чекхболуш ца хаалахь а, мерана хьожа ца кхетахь а – хьуна и дерриге го, бакъ а долуш, хьо цигахь лаьтташ санна. Вайн коьрта чохь ду-кха иза, цхьана дечиган яьшки чохь д1акъевлина, доккха догIа а тоьхна. И догIа схьадаьккхича, аракхета цу чуьра серло, бIаьргаш а Iийжош, сирла серло. БIаьргаш меллаша схьаделлалой, дIайоьдучу цу серлонна тIаьхьахьовсу – оццу минотехь хьо вайна, хьо дIаваьхьна, хьо вац…

 

 
 

Хьалхаpа дош

PDFПечатьE-mail

Обновлено 25.04.2018 20:11 Автор: Administrator 17.03.2018 06:10

Кацаев

КАЦАЕВ Сайд-Хьасан

 

Йоккхахйолчу йишин йоI, Малика, еаpа со волчу, «Нохчийн халкъан баpта кхоллаpалла» экзаменна кечам бан. Жима волуш дуьйна фольклор дукхаезаш волу, хIоpа хаттаp ша-ша а доккхуш, жоьпаш делиpа ас цунна. ТIаккха ойла йиpа: «И деppиг а дIаяздича-м, учебник хиp ма яpа. Вайн Iилманчаш соьга хьоьжуш-м бац-те?» – аьлла.

Тамашийна хIума ду хьуна, ойла йича, оьpсийн маттахь книгаш йоьшуш, нохчийн маттахь экзаменаш яла дезаp.

Юьpтаpчу интеpнатехь хьехаpхо волу со ву-те и язъян дезаш веpг а? Цхьанххьа а балха а ца эцна, ца кхечиpа со кхуза? Нуц диpектоp хилаp бахьанехь. Вуьшта-м, хIинца а волавелла лелаш хиp ваpа. Маьрша яздархо…

 

 
 

Страница 10 из 50

Яндекс.Метрика