Поэзия

ВИСИТАЕВА Тумани

PDFПечатьE-mail

Автор: Administrator 29.08.2016 10:36

 

Са чIогIа хилла хьо, Нохчийчоь...

 
                    ***
Безаман ницкъ ло ахь суна,
Цул доккха совгIат дац хьуна,
Ойланаш сан тIома йовлу,
Кийрахь дог ша ловза долу.

Безаман ницкъ ло ахь суна,
Цул деза хIумма дац хьуна,
Реза ю хьо волчу лаьттахь
Яца, хьан безаман хьаьттахь.

Безаман ницкъ ло ахь суна,
Цул доккха ирс хир дац хьуна,
Лууш ю хьан даг чохь яха,
Хуьлийла вайн дахар цхьаьна.
 

Берсанов Хожа-Ахьмад

PDFПечатьE-mail

Автор: Administrator 29.08.2016 10:33

                     Кицанаш 


Хийрачу махка вахча, дохковолу, кхетам алсамболу.
Даймохк беза яхь йолчу къонахашна.
Даймохк боцуш волу стаг тIам боцу олхазар ду.
Виначу махкахь малх дарбане бу, догIа хьена ду.
ХIордал дехьа хаза делахь а, цIахь гIоле ду.
Хийрачу махкахь бIаьсте а сингаттаме хуьлу.
 
 

«Маьлха-Аьзни» гуларна тIера

PDFПечатьE-mail

Автор: Administrator 29.08.2016 10:30

          Ас сайн дог...


Ас сайн дог тахана дIадаьсти хьуна,
Кхин ницкъ а ца тоьъна 
                                   собарца къийса.
Баккъал а, ма атта дацар-кха суна
ХIинццалц схьа къийлина 
                                     синхаам бийца.

Хиллера ницкъ болуш, 
                                    нахала ваккхал,
Генарчу дахкарлахь 
                            боьлу хьан бIаьргаш.
Ма хаза хиллера-кх, дог тIома даккхал,
Дала хьан яздина 
                         цIоцкъамийн хьаьркаш!
 
 

КУСАЕВ Iадиз

PDFПечатьE-mail

Обновлено 20.05.2017 18:33 Автор: Administrator 29.06.2016 12:00

 

Безаме дог дахар   

                      

Сан бIаьргашца хьаьжча генна гондIа

Хьол хаза йоI карор яц.

Гайта деза  муха хьуьнар онда

Хьуна суо везийта ас?

 

Хьо-м Iуьйре санна,

БIаьсте, гуьйре санна,

Оьшу суна ваха,

Безаме дог даха.

 
 

ЗУБАЙРАЕВ Iела

PDFПечатьE-mail

Обновлено 28.06.2016 10:54 Автор: Administrator 28.06.2016 10:49

 

 

 Ахьмад-Хьаьжех илли

 

Балано хьовзийна,

Iазапо гатдина,

БIарзделла нохчийн къам

Ка йоьхна хьийзачохь,

Синметта топ кхетта,

Дера лом ва санна,

Ша хьалха велира тов,

И Ахьмад ва Хьаьжа.

Собаре лам хилла,

Шен дашца дош дузуш,

Къамеле велира тов:

«ЛадогIал цхьанделхьа,

ХIай оьрсийн инарлаш,

Кху къоман да ву со,

Да воцуш хIара дисчахь,

Жимха ву кху къоман,

Вала кIант оьшучохь,

МаслаIатан охIла ву,

Бакъ-харцо къасточохь,

Вай муьлха некъ хоьржу?!» –

Олуш и вистхилча,

Ойлане бевлира тов,

Цу даржийн инарлаш:

«Нийса некъ беца тов,

Къонахчо кхийдошберг,

Хьекъале деца тов

Баьччанан и дешнаш…»

Машарна лестира

Дов доьрзу байракхаш,

Хьошаллаш тесира,

Собаран сий айдеш.

Къонахчун дош тоьлла,

Зуламаш дирзира,

Цу Ахьмад ва Хьаьжин

Сий халкъо айдира!

 
 

Страница 5 из 41

Яндекс.Метрика