Поэзия

КУСАЕВ Iадиз

PDFПечатьE-mail

Автор: Administrator 04.05.2016 09:41

 

 Нохчийн мотт

 

Сайн ялх бен шо доцуш,

Ваьккхина хьомечу махках,

Сибреха дIавигча,

Дерриг а халкъаца со.

Тянь-Шанан лаьмнашкахь,

Мел стешха адамаш сайх къехкарх,

Къайлах а, къулах а

Бийцира, нохчийн мотт, хьо.

 

САЙДУЛЛАЕВ Хьасан

PDFПечатьE-mail

Автор: Administrator 04.05.2016 09:40

 

     Нохчийн маттахь…

 

Даймохк, ханна хьох

                              къаьстинчу хенахь,

Буобер санна хебаш дара дог.

Ойла хьегIаш сингаттаман хьаьрмахь,

Нохчий лоьхуш, бийца нохчийн мотт.

 
 

МАКАЛОВ Шамсудди

PDFПечатьE-mail

Автор: Administrator 04.05.2016 09:39

 

   Ненан мотт

 

Дахаран некъаш сан

Морзах леллехь а,

Сайн даг чохь, ненан мотт,

Ас хьо кхехьна.

 

Хьо бийцар генахь сан

КIезиг хиллехь а,

Лаьмнийн сурт ахь суна

Даим эхьна.

 
 

КИБИЕВ Мусбек

PDFПечатьE-mail

Автор: Administrator 04.05.2016 09:39

 

 

       Меттан сий

 

Цинцашка декъалой, бердах

Хецалу чухчари санна,

Даточу цинцех бу тера

Нохчийн мотт муьлххачух вайна.

 

Аганахь хийла тхо техкий

Хьо, буьйцуш, наноша, дайша.

Заманах чехка чекхбевлла,

Уьш дIатий, дитина вайша!

 
 

АРСАНУКАЕВ Шайхи

PDFПечатьE-mail

Автор: Administrator 04.05.2016 09:37

 

     Весет

 

Къоьжачу вайн лаьмнийн

Дог-кура баххьаш,

Вайн тогIеш, шовданаш,

БIешерийн хьаннаш –

ДIаэца тахна

Хьайн дола ахь уьш –

Дас, весет деш, хьайна

Йитина хазнаш.

 
 

Страница 10 из 43

Яндекс.Метрика