Наши публикации

Сан гIала

PDFПечатьE-mail

Обновлено 15.02.2019 09:47 Автор: Administrator 15.02.2019 09:46

1

КУСАЕВ ӀАДИЗ

 

Сан гIала

 

Тем боцу бер санна,

Хьо зевне йоьлуш ю, 

Iуьйренца гIаьттина,

Хьо балха йоьдуш ю.

 

Хьан сийна урамаш– 

Сан деган пхенаш ду.

Сан гIала, туьйранал 

Уьш хазахеташ ву.

 

Ойланаш

PDFПечатьE-mail

Обновлено 15.02.2019 09:46 Автор: Administrator 15.02.2019 09:44

15052017143916000000

ХАБАЕВ ИСМАӀИЛ

 

 

«Селхане йицйинчу къоме тахане а кхоллалур яц, тахане йоцчу къоман кханенах даха дог а дац» – аьлча, вай харц хир дац. Вайна гуш, вай теш а долуш, lилманца кхиа а кхуьуш, хийцалуш ду дуьне. Наха стигланийн хlаваашкахула некъаш дехкина а, нах беттан букъа тlе биссина а ю дикка хан.

Шайн синхьашташний, шайн догlмийн аьттонний адамаша ца беш, ца кхуллуш а гlирс битина а бац. Цу тlера дlадоладелла lер-дахаран хатl хийцадалар а, адамийн ламасташ хийцадалар а, юкъаметтигаш хийцаялар а.

 
 

РАМАДАН Самира Бено

PDFПечатьE-mail

Обновлено 13.02.2019 08:34 Автор: Administrator 13.02.2019 08:32

Самира11

РАМАДАН Самира Бено

 

****

Ахь йина йоцург, массо а чевнаш шайн пхенаш чохь тоь,

ХӀинццалц сема лаьтташ ю ахь йина чов,

Суна а, цунна а юккъехь, дахделла, ца доьрзу-кх и дов!

 

****

ХӀай сан пхенаш чохь лелаш верг!

Хьо ца хилча, сан паччахьалла дужу,

Сан сина чохь лела нур шен некъах туьлу!

Сан кхане, бехказлонаш лоьхуш, ца йогӀуш юьсу!

Сан дог боданехь дуьжу, 

Цуьнан некъаш тӀехь къийгаш гӀуьтту!

 

 
 

Маршалла ду хьоьга, сан лозу гIайгIа...

PDFПечатьE-mail

Обновлено 13.02.2019 08:35 Автор: Administrator 13.02.2019 08:30

grahamgercken1

АРЦКХИН Гар

 

 

Маршалла ду хьоьга, сан лозу гIайгIа...

 

ЙоI, хьо суна йиш яц езаяла…

ХIара дуьне даа оьший  тIаккха?

Реза яц сох кхета, соьца яха,

Хьайца Iалашвина, сан цIе яккха.

ЙоI, хьо суна генаяла гIерта,

Лаьмнел дехьа хIусам йогIа хьайна,

Соьца доцург дахар ирсе хетта,

Соьца боцург кхоллам мерза тайна…

ЙоI, хьо езар – цхьа бехк соьга кхаьчна,

Дуьне дохарх дIабаккхалур боцуш…

 
 

БIаьсте хаалора

PDFПечатьE-mail

Обновлено 11.02.2019 11:08 Автор: Administrator 11.02.2019 11:04

Sturm aul Gimry 1891

ЭЛЬСАНОВ Ислам

 

БIаьсте хаалора

ЦIегIачу декхнийн боьлак

/ Повесть-мозаика /

 

1847 шарахь мартан кхоалгIачу дийнан итт сахьт даьлча буьйсанна полкан командира полковника Меллер-Закомельскийс, гулдала йиллина меттиг билгалйина, некъана кечамбе аьлла, буьйр делира. Ахсахьт даьлча АтагIа йолчу aгlop долчу гIопан кевнах арадевлла, боданехь Органан чIожца болчу новкъахь гулделла, полковника: «С Богом» аьлча, салташа жIара туху уьшарш йина, дIадоладелира эскар. Полковника чIоггIа буьйр динера, цхьана а тайпана гIовгla цаярал совнаха, некъахь а, дерриг тIелатар чекхдаллалц а, тонка цаозар.

Буьйса а яра тийна, стиглахь, хIоьттинчу хих чекх сагун цIена жагIа санна, луьста седарчий дара, амма стигла екхна елахь а, Iаьржа, шийла а яра. Некъан шинне а агIор таьIна лаьтта хьун махах оьгIазе лестара, ло дешна латта кIарула Iаьржа дара.

Нохчех ваьлла волу подпоручик Гараев Муна, кхузахь ша совнаха хеташ, Меллер-Закомельскийна улле ваьлла вогIучу шина айкхана тIаьхьа хIоьттина вогIура. ХIорш берриш говрашкахь бара.

 
 

Страница 5 из 121

Яндекс.Метрика