Наши публикации

Берсанов Хожа-Ахьмадан - 90 шо

PDFПечатьE-mail

Обновлено 29.08.2016 10:36 Автор: Administrator 29.08.2016 10:34

 

Берсанов Хожа-Ахьмад

 
Берсанов Хожа-Ахьмад вина 1926 шеран 5 апрелехь Нохчийчоьнан Ачхой-Мартанан кIоштан ШаIми-Юьртахь ахархочун Ахьамтан доьзалехь. КIентан пхи шо а кхачале да а кхелхина, ненаца бисина кегийра доьзалш. Махкахь коллективизаци кхочушъеш, колхозаш йохку мур хилла и. ТIехь да воцуш бисинчу доьзалх хьакхаелла оцу заманан харцо. Кхеран долахь йолу бежан-хIума дIа а яьккхина, юьртахь юьллучу колхозе дIаелла. ЦIенош чу колхозан правлени яийтина. Гатто-хало хиллехь а, нанас когаирахIиттийна бераш. Хожа-Ахьмада школа шайн юьртахь чекхъяьккхина. Цул тIаьхьа деша вахна Серноводскерчу юьртабахаман техникуме зооветеринаран корматалла караерзо. Иза чекх а яьккхина, 1938-1940 шерашкахь дешна Соьлжа-гIаларчу политпросветшколехь, амма иза чекхъяккхар а ца нисделла. Дуккха а тIаьхьа заочно доьшуш чекхъяьккхина Нохч-ГIалгIайн пачхьалкхан хьехархойн институтан филологин факультет.
 

Берсанов Хожа-Ахьмад

PDFПечатьE-mail

Автор: Administrator 29.08.2016 10:33

                     Кицанаш 


Хийрачу махка вахча, дохковолу, кхетам алсамболу.
Даймохк беза яхь йолчу къонахашна.
Даймохк боцуш волу стаг тIам боцу олхазар ду.
Виначу махкахь малх дарбане бу, догIа хьена ду.
ХIордал дехьа хаза делахь а, цIахь гIоле ду.
Хийрачу махкахь бIаьсте а сингаттаме хуьлу.
 
 

Джамбеков ШаIрани, Цуруев Шарип

PDFПечатьE-mail

Автор: Administrator 29.08.2016 10:32



Бурчаев Хьаьлиман дахаран а, кхоллараллин а некъ


Бурчаев Хьаьлим дикка тIаьхьа веъна нохчийн литературина а, литературоведина а юкъа. Делахь а, ишколехь доьшуш волчу хенахь дуьйна цхьацца кхоллараллин белхаш (стихаш, кегий дийцарш)беш хилла волу Хьалим хаал сиха дIахIоьттира республикехь уггаре бевзашболчу литераторийн могIаре. Цуьнан дахаран тача юьхьанца шен заманан нийсархойчух тера хиллехь а, заманан йохаллехь шен, цхьаннах а тера боцу некъ лаха а, цу тIера ца волуш, кхузткъа шеран дукъ хадош, схьаван ницкъ тоьъна Хьаьлиман.
 
 

БУРЧАЕВ Хьаьлим

PDFПечатьE-mail

Автор: Administrator 29.08.2016 10:31


Тамашийна тезет


– Наташ, хIай Наташ, – кхайкхира Тата, – мичахь ю хьо? Схьаэцахьа оцу ларми чуьра айхьа гурахь хичуйоьхкина наьрсаш. Чам болуш ю хьан уьш. Дика хIусамнана-м муххале а яра хьо! – хьаставелира.
Дехьа чуьра маьнга цIевзаш хезира, гIам-гIим а. Еза гIулчаш а йохуш, сехьа чу елира дилхалахь, онда зуда.
– ХIун до ахь? ЦхьакIеззиг хало хьайна ма-хилли: «Наташ, Наташ…» Айххьа схьаэца мегар ма ду ахь хьайна оьшург. Iаббалц чудотта хьайна и къаьркъа аьлла, ца витинера ас хьо? – йоьдуш лаьтташехь бага а етташ, араелира иза.
 
 

«Маьлха-Аьзни» гуларна тIера

PDFПечатьE-mail

Автор: Administrator 29.08.2016 10:30

          Ас сайн дог...


Ас сайн дог тахана дIадаьсти хьуна,
Кхин ницкъ а ца тоьъна 
                                   собарца къийса.
Баккъал а, ма атта дацар-кха суна
ХIинццалц схьа къийлина 
                                     синхаам бийца.

Хиллера ницкъ болуш, 
                                    нахала ваккхал,
Генарчу дахкарлахь 
                            боьлу хьан бIаьргаш.
Ма хаза хиллера-кх, дог тIома даккхал,
Дала хьан яздина 
                         цIоцкъамийн хьаьркаш!
 
 

Страница 9 из 103

Яндекс.Метрика