Наши публикации

БУРЧАЕВ Хьаьлим

PDFПечатьE-mail

Обновлено 20.05.2017 18:24 Автор: Administrator 12.04.2017 12:10

 
 

Нунуев Сайд-Хьамзатан – 65 шо кхачарна лерина

 
Нунуев Сайд-Хьамзат кхоллараллин похIма долуш, къинхьегамна тIера яздархо а, талламхо а хилар шеко йоцуш ду.  Нунуев Сайд-Хьамзатан кхолларалла езаш, дуккха а дешархой бу цуьнан. Статистикин хаамашца и иштта ду аьлла билгалдаккха бух бац вайн, хIунда аьлча иштта белхаш цкъа хIокху сохьта нохчийн юкъараллехь беш бац я хIокхул хьалха а ца бина. Амма исбаьхьаллин дешан чам хууш, и дезаш болчаьрца хуьлучу къамелашкахь гучудолу Нунуевн похIма къобалдеш берш дуккха а хилар. Иза вайн республикехь а, цул арахьа а вевзаш ву чулацамна а, барамна а яккхий произведенеш язйина яздархо санна, царна тIехь ойъу политикин, философин, динан а тахана шайна дуккхамо а жоьпаш лоьхуш долу хаттарш, царах лаьцна шена хетарг майрра, цхьана а хIуманах ца кхоьруш дIаала а хIутту Нунуев Сайд-Хьамзат. Масех роман, иттанал сов дийцарийн, повестийн, Iилманан-талламан гуларийн автор ву иза. Цо язйина иттех пьеса, кхо бIе сов ю цуьнан публицистикин а, Iилманан-талламан а статьяш. Нохчийн а, оьрсийн а меттанашкахь язйо Нунуев Сайд-Хьамзата. Иза историн Iилманийн кандидат ву, карарчу хенахь Нохчийн пачхьалкхан Университетехь студенташна хьехарехь беркате къахьоьгуш а ву. 
 

Макалов Шамсуддин - 75 шо

PDFПечатьE-mail

Обновлено 17.04.2017 10:11 Автор: Administrator 12.04.2017 12:06

 

 

Забила


Лоьран приемни кабинетан неI йиллина, амма неIсагIел сехьа ког баккха ца хIуттуш дIахIоьттира Iаьржачу аматера хенара зуда.
– Чуйола! – элира лоьро.
Парталчу боларца чоьхьа а яьлла, модехь йолу прическа йолуш, къегина басарш хьаькхначу лоьрана хьалха дIахIоьттира иза.
– Охьахаал, больная, – кушетки тIе пIелг хьажийна, цIена карточка схьаийцира лоьро.
– ОхоI! АхI! ХIара букъ лозуш, набаран суй ца бина-кх ас сийсара, – могуш ца хиларна леткъа елира зуда.
 
 

ОСМАЕВ Асламбек

PDFПечатьE-mail

Обновлено 21.05.2017 07:28 Автор: Administrator 12.04.2017 12:04

 

 Дахар

 
Дахар,
 Ас къобалдо,
Къобалдо хьо,
Хьакъверг бен
Хьайн тойне
Хийшош хьо дацахь.
Хьуо хаздеш вогIучун
Доггах гIо лацахь, –
Дахар,
Ас даггара
Хьо къобалдо,
Дорах хьо дезаш вац,
ХIай дахар, со
Лууш ву,
Мел веха
Хьан дуьхьа вага,
Сайн белхан буьртиг а
Хьан кенахь къага, –
Иштий бен хьо сайна
Мага-м ца до.
 
 

Осмаев Асламбек 70 шо кхачарна

PDFПечатьE-mail

Обновлено 20.05.2017 18:10 Автор: Administrator 12.04.2017 11:59

 

                      Осмаев Асламбек 70 шо кхачарна   

(1942 - 2012 шш.)
  

   Поэзин тIемаш тIехь

 
«Осмаев Асламбекан кхолларалла шатайпа тIегIа ду нохчийн литература кхиорехь, – яздо вевзашволчу нохчийн поэта Шайхиев Iалвадис шен  кхелхинчу доттагIчух. – Дуккха а хан яра цуьнан цхьаннечух а тера йоцчу, шатайпанчу кхоллараллин буьззина а, хьакъ боллу а мах хадийна хила беза – поэтан говзарийн чолхечу философин, исбаьхьачу, цо шен ойланийн маьIна схьадоьллуш пайдаоьцучу вастийн, керлачу, дикачу рифмийн, башхачу, массарна юкъахь къаьсташ долчу хотIан... Амма, халахеташ делахь а, литератураталлархой сиха бац иза дан. Я Осмаев Асламбек санна болу поэзин говзанчаш оццул дукха бу-те вайн, цаьрга бен-башха доцуш хьежа?» («Лекха гене» стихийн гуларан дешхьалхе. Соьлжа-ГIала, 1992 шо).
 
 

Нохчийн меттан Денна

PDFПечатьE-mail

Обновлено 20.05.2017 17:52 Автор: Administrator 04.04.2017 10:32

 

Нохчийн меттан Денна

 

 

Ненан мотт – иза халкъан юьхь ю, халкъан орам бу. Шен мотт ца хилча, халкъ хуьлуш дац. ХIора нохчо, нагахь санна шен халкъ а, Даймохк а безаш велахь, шен ненан мотт Iамош а, хууш а хила веза. Iамадейша дуьненан дерриге а меттанаш, амма цкъа шайн ненан мотт а Iамабай, оцу маттахь яздан а, деша а Iамадай...

 

Айдамиров Абузар

 
 

Страница 2 из 103

Яндекс.Метрика