Наши публикации

Къаьхьа кхоллам

PDFПечатьE-mail

Обновлено 11.03.2019 06:55 Автор: Administrator 11.03.2019 06:54

hqdefault 5

ДЖЕБИЕВ ХЬУСЕЙН

 

Къаьхьа кхоллам

 

Вайн безамаш серлонца багийна аьлла,

Жималло вайн дегнех латийна цIе.

Йовхонца яьгначохь суй леха ваьлла,

Ойлано вузийна къурдашца Iа.

 

Дено-денца даг тIе язлуш

PDFПечатьE-mail

Обновлено 11.03.2019 06:54 Автор: Administrator 11.03.2019 06:53

karma 0

АЛИЕВ ГӀапур

 

***

Дено-денца даг тIе язлуш,

ГIайгIано со хьийзаво.

Ерриге марзонаш хедош,

Яхна зама кхаьрдаш го.

 
 

«Ас цкъа а ца яздо сайна цагинарш…»

PDFПечатьE-mail

Обновлено 11.03.2019 06:53 Автор: Administrator 11.03.2019 06:51

G

Алиев ГIапуран – 70 шо

БУРЧАЕВ Хьаьлим

 

«Ас цкъа а ца яздо сайна цагинарш…»

 

(Эссе)

 

Алиев ГIапур… Ткъех шо хьалха цхьа тийна-тапъаьлла ша нохчийн поэзе ма-варра, иштта тийна-таьIна, хIинц-хIинцца вайна юкъара бакъдуьнене дIаваханчу оцу поэтан васт а, цо шел тIаьхьа дитина дош а шайна тIе тидам бохуьйтуш, шайх лаьцна ойланаш йойтуш, хаттарш хIиттош, жоьпаш лоьхуш хир ду цхьа хан яьлча а. Иштта хирг хиларх шеко яц вайн. ГIапура Iаламат дукха аьлла шен заманах, шен дуьненах, шен махках, вайх а лаьцна, цундела цуьнан синлехамех, сатийсамех кхетар, царна тIаьхьакхиар ду-кх хIинца вайна дисинарг. ГIапур нохчийн исбаьхьаллин меттан говзанча, дика поэт воллушехь, цуьнан цIе а, байташ а цуьнан юй хууш евзаш яцара Нохчийчохь, кхечу поэтийн стихаш санна. Ткъа муьлхха а хьекъалча, адамийн тидам шена тIеберзош, уьш тIебоьхуш, царна гIодеш, церан синхаамаш а, дегIан ницкъаш а карзахбохуш ма-хуьлу, цуьнан шайн дуьхьа вагаран, син ницкъан серлоне кхача лааран шовкъехь. Ткъа иштта хIунда ца нисло гуттар а? Алиев ГIапурах шех аьлча, цуьнан заманхой – вай ду-те цунна бехке я цо оццул дукха, даггара лазамца шен иллешций, байташций хестийначу Нохчийчу хIокху тIаьххьарчу ткъа шарахь хьаьвзинчу бохамийн дарц ду-те? Я Алиев ГIапуран шен бехк бу-те и, цхьаболчу яздархошна санна, шена цIе ян ца хууш хиллачу, шен исбаьхьа байташ меттиг болчохь я боцчохь а дIакхайкхо, нахалаяха корматалла ца хилла волчу? Хаац… Амма, вайна лууш а, ца лууш а, ГIапуран шен а, цуьнан говзарийн а мах замано хадор бу, шо-шаре мел долу замано и тIе а чIагIдийр ду. Цуьнан говзарийн, дахаран некъан къайленна тIаьхьакхиа, уьш довза, талла гIертар ю вайн дуккха а тIаьхьенаш. И баккъал а воккха поэт шен заманахь вевзаш а, воьшуш а хIунда ца хилла а къастор ду, аьтто болчара шайн киншкаш арахоьцучу заманахь ГIапурна шен гулар зорбатоьхна ган доьгIна цахиларан бахьана а девзар ду.

 
 

Хала а, атта а цхьа къуьда латийна

PDFПечатьE-mail

Обновлено 11.03.2019 06:51 Автор: Administrator 11.03.2019 06:49

Алиев

АЛИЕВ ГӀапур

 

***

Хала а, атта а цхьа къуьда латийна,

Цхьа кехат карийна, карийна къолам,

ДIайижа кечъелла ойла а гIаттийна,

Дехачу дийно мел гайтинарг кегийна,

Дерриге дуьне шен долалле далийна,

Цхьа миска миска ву наб яйна Iаш.

 
 

Йоврйоцу цIе

PDFПечатьE-mail

Обновлено 11.03.2019 06:49 Автор: Administrator 11.03.2019 06:44

1-foto w1200 h800

Ковраев ШапаI

Дагалецамаш

 

Йоврйоцу цIе

 

Л.Н. Толстойн цIарах Нохч-ГIалгIайн пачхьалкхан хиллачу университетехь, филологин факультетехь суо доьшуш волчу (I977-I982-чуй) шерашкахь суна дуьххьара вевзина Ахмадов Муса. Иза а вара, со санна, филологин факультетехь доьшуш.

Студенташна юккъехь цхьа ша-тайпа къаьсташ студент вара Муса, дахаре шен билггал хьежам хиларца а, шен накъосташца а, хьехархошца а лераме, гIиллакхе хиларца а. Массо хенахь сиха а вара. Дукха дара цуьнан гIуллакхаш…

Исбаьхьаллин литературехь хьалхара гIулчаш йохучу вайнехан кегийрхошна лерина Нохч-ГIалгIайн пачхьалкхан университетехь болх беш яра «Пхьармат» цIе йолу литераторийн цхьаьнакхетаралла.

Цуьнан дуьххьарлера куьйгалхо вара оцу шерашкахь а нохчийн къоман литература дика евзаш а, нохчийн мотт кIорггера хууш а, хIуманан башха хьесап дан хууш а волу къона поэт Ахмадов Муса.

Цунна а, цуьнан накъосташна а хьалха лаьттара даккхий жоьпаллийн декхарш.

 
 

Страница 2 из 121

Яндекс.Метрика